TAYO NA LANG ULIT 16

Wala na akong naintindihan sa palabas. Windang ang aking isip dahil sa ginagawa ni Angus sa aking leeg. Kaya nang magtapos ang palabas at magbukas ang ilaw mabilis ko siyang naitulak.

Sana lang ay walang nakakita sa amin.

"Tara na?" alanganing aya ko sa kaniya. Nauna na akong tumayo. Sabay kaming naglakad sa exit, habang magkahawak ng kamay.

Panay ang tingin niya sa akin nang makalabas kami. Nakayuko ako at minsan ay napapaiwas ng tingin kapag nagkakasalubong ang aming mga mata.

Nangangatog pa din ang tuhod ko dahil sa ginawa niya kanina. Ano'ng plano niyang gawin? Hindi pa umabot sa puntong iyon ang iniisip ko tungkol sa relasyon namin.

"Gusto mong kumain?"

"H-Huh?"

"You're spacing out. Are you okay?"

Ngumisi siya. "Sorry about earlier, I got carried away."

Dahan-dahan akong tumango.

"Huwag mo ng uulitin, huh..."

Kumunot ang kaniyang noo pero kalaunan ay tumango naman siya. "Okay. So, you don't want me to kiss you?"

Nag-init ang aking pisngi.

"H-Hindi naman kiss ang ginawa mo