Chapter 108

“SIKAT na sikat ‘yun hindi lang dito sa Pilipinas kundi pati sa ibang bansa dahil dinarayo talaga ang school na ‘yun. Pero kalaunan nagkaroon na ng branch sa iba’t-ibang bansa ang kanilang paaralan pero dito pa ‘rin sa Pilipinas ang pinakang sikat at dinadayo. Matagal na nilang hinahanap ang kanilang anak pero hanggang ngayon ay hindi pa ‘rin nila ito makita. A-and it was you Luna… Ikaw si Luna Moon.”

Moon? Tila familiar iyon kay Luna. Napakunot ang noo niya habang iniisip kung saan nga ba niya narinig ang Moon University na iyon hanggang maya-maya ay nagulat siya at napatayo.

“Moon University? Hindi ba doon nag-aaral ang anak ko?!”

“Yes, tama ka Luna. Ang paaralan na iyon ay sa inyo… sa tunay mong pamilya.”

Napabalik si Luna mula sa kaniyang upuan at napahawak sa gilid na iyon. Ang daming pumapasok sa isip niya ngunit nangunguna doon ang hindi makapaniwala. Paanong nangyari na sa isang iglap ay malalaman siya na anak siya ng pinakang mayaman sa mundo? Isama mo pa na nalaman nga