Chapter 125

“WELCOME to Canada!”

Iyan ang sumalubong kina Celine, Luna at Lisa ng nakarating sila sa kanilang destinasyon. Pagod pa ang mga ito sa mahabang oras ng byaheng itinagal nila sa eroplano kaya balak ng mga ito na magpahinga sa oras na makarating sa kanila.

“Luna! Celine!”

Masaya silang sinalubong ni Riri ng makalabas sila sa airport.

“Tita-ninang!” masayang sabi ni Celine at niyakap ito na ikinatawa ni Riri.

“Miss na miss mo ako ah?”

Sunod-sunod namang tumango si Celine dito na ikinagulo lang ni Riri sa buhok ng inaanak. Matapos nilang magyakapan ay si Luna naman ang niyakap ni Riri.

“Kumusta bruha ka kahit na alam kong hindi ka okay?”

“Alam mo naman pala ba’t pa kailangan magtanong?” irap na sabi ni Luna na ikinatawa nito.

“Buti nga kinamusta pa kita e,”

Napailing nalang si Luna dahil sa sinabi ng kaibigan at hinarap si Lisa upang ipakilala ito sa kaibigan.

“Riri, meet Lisa. Lisa, si Riri matalik kong kaibigan.”

“Nice to finally meet you Lisa! Nakwento ka saakin