Chapter 140

NAGISING si Luna dahil mayroong tumatalon sa kaniyang tabi. “Mommy, mommy!” at doon niya narinig ang boses ng kaniyang anak na si Celine.

Unti-unti niyang idinilat ang kaniyang mata ngunit nasilaw siya dahil sa sikat ng araw kung kaya napapikit siyang muli.

“C-celine?” antok na banggit niya sa pangalan ng anak.

“Yes mommy! Buti gising ka na! Aalis po tayo ngayon kyahhh!”

Dahil sa sinabi ni Celine ay napadilat siya ng kaniyang mata. Nasilaw pa siyang muli sa liwanag ng araw at tanging anino lang ng anak ang nakikita kaya napakurap kurap pa siya. Nang maging maayos na ang kaniyang paningin ay doon niya nakita ang anak at nakabihis na’t halatang halata ang pagka-excite sa kaniyang muka.

Kusa siyang napangiti dahil doon. Kahit na kulang pa siya sa tulog dahil anong oras na siyang nakatulog ng bumalik matapos makausap si Selene sa kusina. Hindi na kasi mawala sa isip niya ang sinabi nito at ang katotohanan na dapat na niyang kumilos.

Nag-isip siya ng paraan kagabi na naging dahi