Chapter 67

“BOSS, pinatawag niyo ako?”

Bungad na sabi ni Caroline sa kaniyang hindi kilalang amo. Katulad noon, mayroong harang kung saan ito nakaupo.

“Mabuti naman at nandito ka na Caroline. Gusto kitang purihin dahil sa magaling mong pag tatrabaho saakin. Pagbutihin mo lang at sigurado akong mabubuhay ang mama mo.”

Napakuyom ng kamao si Caroline dahil doon. Wala naman siyang magawa, alam niyang alam nito na ang kahinaan niya ay ang kaniyang mama kung kaya lagi itong binabanggit sa kaniya sa tuwing magkikita sila.

Isa pang dahilan kung bakit hindi niya malaman kung babae ba o lalaki ang kausap dahil sa voice changer na gamit nito. Panlalaki ang boses na iyon pero bakit pakiramdam niya ay hindi lalaki ang nasa likuran niyon voice changer na iyon?

“Mayroon ulit akong ipapagawa sa’yo. Gusto ko na patvyin mo si Luna Fernandez.”

Nagulat si Caroline dahil sa kaniyang narinig at agad na napatayo mula sa kaniyang kinauupuan.

‘M-ms.Luna!’ sigaw niya sa kaniyang isipan. Hinding-hindi niya iyon magagawa l