Chapter 85

“ANONG ibig mong sabihin na nakatakas?!” galit na sabi ni Vivian ng dumating si Luke sa kanilang tinutuluyan at hindi nito kasama si Celine.

“Nakatakas o sinadya mo na makatakas?! Alam mo kasalanan mo lahat ng ‘to Luke e! Kung sana hinayaan mo ako na itali ang bata na ‘yun hindi sana siya nakaalis dito!”

Hindi nagustuhan ni Luke ang sinabi sa kaniya ng babae at hindi napigilan ang sarili na sakalin ang leeg nito.

“Kanina pa ako nagtitimpi sa’yo!” madiin na sabi nito na ikinagulat ng mga tauhan nila.

Maging si Vivian ay nanlalaki ang mata habang hawak ang magkabilang kamay ni Luke na nasa leeg niya.

“N-nahihirapan akong huminga…” hirap niyang sabi ngunit hindi siya pinakinggan ng lalaki.

“Anong akala mo ikaw lang ang may karapatan na magalit sating dalawa na kung tutuusin ay ako ang nagplano ng lahat ng ‘to! Ako ang dahilan kung bakit mo nahuthutan ang pamilya ni Luna! Nang dahil saakin ‘yun nag-utos ka lang kay Caroline! Kung wala ako ay wala ka ‘rin dito!”

Pagkasabi ni Luke niy