Kabanata 10.1

Kabanata 10

    KANINA PA naghihintay si Ann kay Clayton dahil lagpas na ang oras sa dapat uwi nito. Panay na rin siya silip sa labas dahil baka nakaparke na pala ang sasakyan sa labas tapos ay wala pala siyang kaalam-alam. 

Ngunit noong siliping muli ni Ann ang labas ng bakuran nila, tahimik na kalsada at tanging ilaw mula sa street lights ang nakita niya. Wala pa rin si Clayton. 

Bumuntonghininga si Ann at nilingon si Rence na kahit inaantok na ay pinipilit pa ring buksan ang mga mata at naglalaro para aliwin ang sarili upang labanan ang antok. Lumapit si Ann sa anak at lumuhod para silipin ito.

"’Nak, gabi na. Tulog ka na, ha? 9 in the evening na. Dapat kaninang 8 o'clock ka pa tulog."

Binaba ni Rence ang hawak na dinosaur figure at kinusot-kusot ang mga mata. H