Kabanata 21.2 (Present)

NOONG MAKITA ni Ann kung sino ang nasa kanyang harapan, mabilis niyang itinago si Rence sa likuran niya at diretsong tumingin kay Sheena na nakangisi sa kanya ngayon.

"Anong ginagawa mo rito?" Hindi man kalakasan ang boses ni Ann, dama roon ang kalakip na galit at inis dahil nakikita niya ang babae ng asawa niya.

Mas lalong lumawak ang pagkakangiting tagumpay ni Sheena at sinulyapan pa ang likuran ni Ann, iyong tipong gusto nitong makita si Rence.

"Gusto ko lang ipakilala ang sarili ko magiging stepson ko. Kailangan niya ring malaman na may kapatid na siya. Hindi ba, Rence?"

Naramdaman ni Ann mula sa likod ang pagpulupot ng maliliit na braso ni Rence sa beywang niya. Mahigpit ang pagkakayakap nito at dama rin ni Ann ang panginginig ng bata. Hinawakan din ni Ann pabalik ang kamay ni Rence at hinaplos-haplos iyon.

"Shhh, Rence. Mama is here. Cover your ears, anak."

Inalis nga ni Rence ang mga braso sa kanya at tinakpan nit