CHAPTER 129 - Plan Execution

Maynila:

Sa isang malaki at malawak na sala ay nagtipon-tipon ang apat na miyembro ng isang mayamang pamilya.

Naroon'g naka-upo sa isang malambot na single sofa ang isang matandang lalaki habang nakahawak sa kanyang itim na tungkod na mukhang mamahalin dahil sa tila ginto na naka-ukit doon. Nasa 72 na ito, ngunit dahil kunot ang noo at kulimlim ang mukha ay litaw na litaw ang mga kulubot nito, kaya mukha na itong 80.

"Papá, huwag kayong papayag!" Wika ng isang middle-age na babae, nagpupuyos ito. Puro alahas ang katawan nito na nangingislap lalo na kapag natatamaan ng liwanag.

"Alam ko! Hindi mo na ako kailangang turuan!" Masungit na wika ng matandang lalaki.

Dahil sa bugso ng kanyang damdamin ay nakalimot ang babae at nawala sa isip ang ugali ng matanda. Natahimik ito at napayuko.

Binalingan ng matanda ang isang middle-age na lalaki. Sa kabila ng pag-edad ay makisig pa rin ito. Nakasuot ito ng rimless glasses.

"Hindi ko pinahihintulutan ang gusto mong mangyari. Magugulo ang