CHAPTER 45 - Requested Favor

"Marigold..." Tawag sa 'kin ni Jonas paglabas ko ng building ng C.A.

Nilingon ko siya ngunit hindi s'ya nagsalita. Nakayuko lamang ito.

"Pasensya na... Hindi kita natulungan." Mahina niyang wika na halos hindi ko maulinigan.

"Ano ba'ng sinasabi mo d'yan? Ang laki na kaya ng naitulong mo sa 'kin. Saka, sinabi ko naman kanina na ako na ang bahala sa sarili ko."

"P-pero, 'yung sinabi ni kuya Chardon..."

"Ayos na rin sigurong pumayag ako. Sa tingin mo ba'y may kumpanya pang tatanggap sa 'kin kung may criminal record ako? Kaya, ayos na rin sigurong bumalik na lang ako ng C.A, kailangan ko rin talaga kasi ng trabaho."

Bumuntong-hininga si Jonas. "Naisip ko lang, kapag naging personal assistant ka n'ya, susunod ka sa lahat ng ipapagawa n'ya. Ang inaalala ko–"

"Jonas..." Awat ko sa kanya. "Naiintindihan ko ang ipinag-aalala mo. Huwag kang mag-alala. Natuldukan na ang kung ano mang meron sa 'min matapos nu'ng nangyari."

Hindi ko na hinayaan si jonas na ihatid ako dahil alam kong may trabaho pa