CHAPTER 72 - Accident

Dali-daling pumasok sa kuwarto si marigold para kumpirmahin ang kanyang kutob. Ngunit pagpasok ay napamaang siya nang makita ang nakaupong si Marisol sa kama habang nakayakap ang ina dito. Habang umiiyak ay hinahagod ito ni Marisol sa likod.

"Tumahan ka na, ma. Hindi mo ba nakikitang maayos na 'ko. Narinig mo naman ang sinabi ng doktor 'di ba? hindi raw malala ang tama ko, at after three days, makakalabas na rin ako."

"P-pero.... pero... paano kung....kung napuruhan ka? Hindi mo dapat sinalo ang bala para sa damuhong 'yon, e. Sinabi ko naman sa inyo ng daddy mo noon pa... Salot 'yang tiyuhin mo na 'yan!" Maktol at iyak ni Adelaida habang naka-subsob ito na parang bata sa kandungan ni Marisol.

Napabuntong-hininga na lang si marisol hanggang sa mapansin niya ang tulalang si Marigold sa pinto. "M-marigold?"

Napalingon si Adelaida, at nang makita si marigold ay biglang umasim ang mukha nito. "Anong ginagawa mo dito?..."

"Ma..." saway ni Marisol.

"Siguro, gusto mong makita kung napu