Chapter 200

Third Person’s POV

Tensyon ang namamagitan sa pagitan ng mga initiates na nasa loob ng determination ring. Inis naman ang namutawi kay Agatha dahil hindi niya makapa ang noise device na patuloy sa pag-iingay. Bawat ingay ng noise device ay ito namang sinusundan ng pandinig nina Rycko, Grey, Jezreel, Damon, Aldrin at Arthyrn. Kasabay naman nito ang patuloy na pagtaas ng pagbaha ng dugo sa loob. Palapot nang palapot ang bawat kilos nila sa paghakbang dahil sa lumagpas na ito sa mga tuhod nila. Kailangan na nilang makuha ang noise device na siyang huling parte sa core ng crystal ball. Kapag hindi nila ito makuha ay parehas silang mamamatay sa pagkalunod sa bumabahang dugo.

Nagkabanggaan pa sina Grey at Jezreel kaya’t naging alerto sila sa isa’t-isa. Hinanda ang bawat sarili sa atakeng ipapataw sa bawat isa. Nagpakawala ng isang malakas na suntok sa mukha si Grey kay Jezreel at nang matamaan ay mas pinagpatuloy niya ang atake hanggang sa ito mismo ang magbigay ng lifeline nito kay Grey.