Chapter 214

Third Person’s POV

Labis ang kaba na nararamdaman ng mga nasa bottom line na initiates. Hindi rin nila lubos akalain na ganito ang kanilang sasapitin. Nanginginig naman ang ilan sa kanila at ang ilan naman ay natutulala na lamang dahil sa takot at pangamba.

“Dito na yata ako mamamatay…” wika ni Devon, napatingin pa siya sa rank niya na kinulang ng isang puntos. Nasa pang twenty six siya na puwesto. Narinig naman siya ni Cherry na nasa kaliwang gilid niya. Makikita sa babae ang pamumutla. Hindi na lamang ito umimik pa.

Ang Emperor naman ay sobrang saya ang nararamdaman. Ito kasi ang mga kapana panabik na mga eksenang gusto niyang makita. Ang patalisan ng memorya at isipan kasabay ng pagdanak ng dugo. Higit pa rito ang kanyang mga rason. Napatitig siya sa anim na espesyal na baguhang mga initiates na nilista niya para mapasali sa Bloody Training. Sina Devon, Cherry, NIcole, Sync, Kiefer and Teris. Ang mga ito kasi ay may matinding pakinabang sa emperor. Ito lang naman ang mga first ba