Chapter 225

Grey’s POV

“Shit, kambal!” hindi ko mapigilang isigaw ito kahit alam ko naman na hindi niya ako maririnig dahil sa lakas ng ulan. Hinayaan ko na lamang siyang nasa tabi ni Arthyrn at inalalayan siya para gumising. Habang nanunuod ako ay napasulyap ako sa makakakumpetensya ko sa obstacle. Si Alyana. Ewan ko ba, parang iba ang pakiramdam ko sa babaeng ito. Pero nakikita ko sa kanya ang dating bersyon ni Arthyrn na Alyana din sa dating pagkakakilanlan niya. Pirmi lamang siyang nakatingin sa screen at ilang saglit pa ay nagulat ako nang lumingon ito sa akin.

Nginitian niya ako na halos kinilabutan ako sa klase ng ngiti niya. Ibang-iba sa ngiti na ipinapakita niya sa lahat. Parang ngiti na may binabalak ang pinakita niya sa akin. “Good luck, Grey!” aniya at tinuon ang tingin sa blood army na nakalapit na ngayon sa amin.

“Pick your obstacle, Grey Collins,” napatingin ako sa fish bowl. Napabuntong-hininga pa ako dahil sa kabang nararamdaman ko sa obstacle na ito. Hindi namin ito naranasan