Chapter 249

Third Person’s POV

Maging si Sean ay nabunutan ng tinik sa nakitang matagumpay na naipasa ni Agustin o sa katauhan ni Damon na anak nito, ang delusional test. Buong akala rin niya ay hindi nito makakaya dahil sa nakikitaan ito kanina ng pagbilis ng tibok ng puso at panginginig ng katawan. Napatingin naman siya kay Aldrin na mapapansin ang pamumula ng mata nito marahil sa pagpipigil din ng emosyon. Nagkatanguan naman sila ng magkasalubong ang kanilang mga tingin. Mabilis naman niyang iniwas ang tingin kay Aldrin nang makita sa kanyang peripheral vision ang atensyon ni Alyana na napunta sa kanya.

Pumunta naman si Alyana at Grey kay Damon ng makalabas na ito sa transparent stadium. Inalalayan naman ni Grey si Damon nang naiika ito sa paglalakad at makikita ang pagkahapo. Umiwas naman doon ng tingin si Sean dahil kahit saan siya tumingin ay tila nakabantay si Alyana sa kanya. Hindi niya dapat ito makatitigan dahil mapapahamak ang mag ama.

“I’m next!” si Kiefer na itinaas pa ang dalawan