KABANATA VIII

"Nasaan na kaya 'yon si Angelica?" tanong sa isip ni Venuz habang mag-isang naglalakad papunta sa kanilang classroom.

Kahapon pa kasi wala ang kaibigan niya pagkatapos ng mga nangyari kahapon ng umaga, nagpaalam lang ito sa kaniya saglit na pupunta ulit sa kaniyang opisina ngunit hindi na nakabalik hanggang magpa-dismissed na ng klase.

"Hays. Iyong babae na 'yon talaga kahit kailan parang kabute, mawawala tapos biglang susulpot," inis na turan niyang muli sa kaniyang sarili.

Pagpasok niya sa klase ay naabutan niya ang Vermin na ando'n, ang isa sa kanila ay may tapal ng bandage sa kanang bahagi ng kaniyang pisngi.

"Mukhang napaaway itong mga to, ah? Buti na lang din pala wala 'yong Alex na impakta," lihim siyang natawa sa kaniyang naisip.

Umupo na siya sa kaniyang upuan at hinintay na dumating ang kaniyang kaibi