Chapter 71

“What are you going to do?”

Dahan-dahan akong napabaling sa kapatid ko nang marinig ko ang kaniyang boses. Mabilis na naningkit ang aking mga mata at sinamaan siya nang tingin.

“Oh, bakit ganiyan ang hitsura mo?”

Nginisihan ko siya. Hindi ko alam kung seryoso ba siya sa tanong niyang iyan o nang-iinis siya. Bumaling muna ako sa kay Faye na tahimik na natutulog sa kanang bahagi ko bago muling tumingin kay Ismael. Walang sabing hinampas ko si Ismael sa kaniyang braso. Sa gulat niya ay muntik na siyang mapatayo sa kaniyang kinauupuan.

“Aray ko, Ate. Ano ba?”

Dinuro ko naman siya sa mukha gamit ang aking hintuturo.

“Ang lakas ng loob mong matulog habang yung pamangkin mo, naroon sa kabilang pasahero at nanggugulo.”

Sumimangot naman si Ismael.

“Ang OA mo naman ate. Eh Tat—”

Inis na siniko ko naman siya dahilan para hindi niya maituloy ang kaniyang