Chapter 18

Pumipintig sa makirot na sintido ang gumising kay Lucien mula sa malalim na tulog. Pagmulat niya ng mga mata. Nanlalabo pa ito pero naaaninag niya ang beige na interior ng kotse niya at ang nakakasilaw na liwanag mula sa bintana sa labas. 

Di niya maintindihan kung anong ginagawa niya sa kotse niya gayung sa pagkakatanda niya ay bumaba siya dito at….

Biglang napabalikwas ng bangon si Lucien at inikot ang paningin sa paligid. Ramdam niya ng pagkilos at pagtalbog ng sasakyan na para bang nasa malubak silang daan. 

'My car is……moving?'

'Someone is driving my car!'

Fuck! 

Nahihilo man ay pinilit ni Lucien na i-focus ang sarili para alamin kung sinong naglakas ng loob na i-drive ang sasakyan niya. Hindi naman niya isinama ang driver niyang sa Casper. 

"Hey….hey! Who are you?—"