Chapter 41

Kinabukasan ay nagtungo kami sa tubohan. Dahil nga anihan ngayon, kaya doon kami nagtungo ni Clyde. Nauna na din kasi si Rolyn.

Pagdating namin sa tubohan ay sabay-sabay na napalingon sa amin ang mga trabahador. Napatigil ang mga ito sa mga ginagawa nila.

Expertong bumaba si Clyde mula sa kabayo at inalalayan ako sa pagbaba. Napansin ko ang lalaking nakita namin sa manggahan kahapon.

Nandito din pala ito. Akala ko ay sa manggahan lang ito.

Lumapit ito sa amin. "Wala si Rolyn dito. May emergency sa maynila kaya nagtungo doon si Rolyn," malamig na sabi ng lalaki sa amin.

"Hindi si Rolyn ang ipinunta namin dito. Gusto ko lang ipasyal ang nobya ko." Pinagdiinan pa talaga ni Clyde ang salitang 'nobya'. Para bang pinaparating nito sa lalaki na off limits siya.

"Ang dami mo namang nobya." Nakangising sambit ng lalaki. Tila ba inaasar nito si Clyde.

Gusto sanang sugurin ni Clyde ang lalaki mabuti at napigilan ko ito. Napatingin sa akin si Clyde. Napa buntong-hininga ang huli.

Pagdating namin