Kabanata 104 Love and Protection

Nanginginig ang kamay ni Liam habang tinatawagan si Mika. Unattended ang phone nito. Hindi ito nagpapatay ng cellphone. Matindi na ang kabog ng kanyang dibdib. Ang security naman ni Mika ang kanyang tinawagan.

“Hello, Tim. Nasaan si Mika ngayon?”

“Sir, nasa bahay po ni Lolo Artemio. Kanina pa pong mga isang oras na sila ni baby Enzo sa loob.”

“Pumasok ka ngayon sa bahay. Gusto kong makausap si Mika. Ngayon na! Huwag mong ibaba ang telepono.” Mariin niyang sabi.

Halos hindi siya humihinga. Dinig niya ang nagmamadaling yabag ng bodyguard.

“Don Artemio, nasaan po si Ma’am Mika? Gusto daw pong makausap ni Sir Liam,” sabi ng bodyguard.

“Hello, Liam.” Tinig ni Lolo Artemio.

“Gusto kong makausap si Mika.” Halos hindi lumabas sa labi niya ang mga salita. Pigil ang kanyang paghinga sa sagot ng matanda.

Nadinig niya ang halakhak nito. “Apo ko, kung gusto mo pang makita ng buhay ang mag-ina mo. Gumawa ka ng kasulatan na ililipat mo sa pangalan ko ang lahat ng ari-arian mo at bigyan mo ako ng tse