Ika-limampung kabanata

Mahirap at komplikado, ngunit kailangan kong kayanin at gawin. Tinignan ko ang braso ko na puno ng mga sugat kagabi ngunit ngayon ay hilom na. Ang mga sugat na natamo ko kagabi ay mula sa pag-eensayo.

Hindi ko nakontrol ang kapangyarihan ko kahapon kung kaya’t katulad ng mga nangyayari sa mga pagsasanay ko noon ay sa akin bumalik ang mga atake at nasugatan ko ang aking sarili. Masyadong mahirap ang bagay na gusto kong gawin dahil miski ang aking ama noon ay nahirapan, pero hindi ako susuko lalo na’t alam kong makakatulong ito sa amin sa pagdating ng oras.

Hindi ko alam kung sumasagi ba sa isip ng mga kalaban ang muli kong pagbabalik dahil basta na lamang nila akong iniwan noon at hindi tinignan kung tuluyan bang namatay. Kung oo ay dapat na maghanda sila dahil sisiguraduhin kong babalik ako na dala ay tagumpay, at kung hindi naman ay mas mainam iyon upang sila’y magulat at masindak dahil pumalpak ang kanilang unang pagpapabagsak sa akin.

Inayos