Chapter 29

NAHAHABAG NA PINAKATITIGAN ni Rosemarie si Hawthorne. Naiintindihan niya kung bakit ito nagkakaganon at naaawa siya dahil kailangan nito iyong pagdaan.

Siya man din ay nagalit ng sabihin sa kaniya ng tiyuhin nito ang katotohanan at kahit gusto niya iyong ilihim dito ay hindi maaari. Karapatan nito iyong malaman at para na rin hindi kuwestiyunin ng mga taong nasa paligid nito ang pagiging hari niya.

Huminga ng malalim si Rosemarie bago lumabas ng silid na iyon.

Ngayong wala na dito ang dating hari na pinagsisilbihan niya ay inialay na lang niya ang oras sa pagamutan. Noong una ay naiitsapwera pa siya, inaapi at pinagtatabuyan ng mga manggagamot na matagal ng naninilbihan doon pero ng makita ng mga ito ang dedikasyon at kakayahan niya sa panggagamot ay unti-unti ng tumigil ang pang-aalipusta ng mga ito sa kaniya.

"Ikaw na lang ang maghatid ng pagkain niya o di kaya mag-utos ka ng iba."

Iyon ang naabutang eksena ni Rosemarie sa kusina. Dumaan lang siya doon bago siya dumiretso ng kanyang