The Forbidden Desires 40

(TFD) Chapter 40

I was fine at first. Kaya lang sa mga sumunod na araw pumapait na naman ang pakiramdam ko. Hindi ko alam kung sa play ko ito natutunan, pero hindi mababakas sa akin na masama ang loob ko kahit pa nakikita ko sila ngayon sa hagdan.

Pababa ako sa hagdan nang maabutan ko ang ayos nila. Walang t-shirt na suot si Silas at magulo ang buhok. Hawak niya si Cassiel sa bewang. Manipis lang na pantulog ang suot nito. Sigurado rin ako sa nakita na wala siyang suot na bra.

Umatras ako para hindi nila mapansin na may tao sa second floor. Sa ayos nila, parang nadulas yata sa hagdan ang babae at nasalo niya lang. Ngunit dahil alam ko na may nakaraan sila, sumama lalo ang pakiramdam ko sa nakita. Marami na akong naiisip na kung anu-ano lalo nang marinig kong magtanong si Silas kung saan siya nasaktan.

"I think I sprained. I can't walk..."

Pagkasilip ko. Alalay na niya ang babae sa bewang habang paakyat sila sa itaas. Sa pagkakarinig ko'y sa kwarto ni Cassiel sila patungo, na dating kw