Kabanata 21: Blood

ALIRA

"KAMI 'yan," saad ni Enzo kaya kumunot naman ang noo ni Laxon at nagpatuloy sa pagda-drive. Nakarinig pa kami ng tatlong sunod-sunod na busina kaya napalingon ulit ako at nakita kong katabi na pala namin ang sasakyan ni Enzo habang ang dalawa ay nakasunod lamang sa likod.

Nang buksan ko ang bintana sa side ko ay narinig ko na lang ang pagbati sa amin ni Enzo at kumaway pa ito sa amin. Napailing naman ako habang si Laxon ay narinig kong minura si Enzo pero sa ibang lenggwahe nga lamang pero naintindihan ko pa rin kaya sinamaan ko siya ng tingin.

Kaya ang kaninang kaba ko ay nawala, akala ko ay may masamang mangyayari na sa amin. May tiwala naman ako kay Laxon pero kasama namin si Grayson at ayokong masaksihan niya ang mga bagay na hindi niya dapat makita.

Lumambot naman ang ekspresyon niya at ngumiti sa akin. "I'm sorry, Wife, nadala lang." Paghingi niya ng paumanhin kaya napatango na lang ako at nagpasalamat na lang dahil nandito na kami sa bahay.

Kaya ng makababa na kami ay tul