Chapter Thirty-Seven

CHAPTER 37

            BINUKSAN ko ang pinto ng bahay namin. Nang makapasok ako ay sinarado at ini-lock ko ‘to. Pabagsak akong umupo sa upuan saka sumandal. Pagod na pagod ako ngayong araw dahil pagkatapos naming kumain nila Gray ay nagpaalam na ako. Humarap na ako ng trabaho at ngayon ang unang araw ko kaya madaling araw na ako naka-uwi.

            Pinilit kong bumangon para makapunta sa kwarto. Pabagsak din akong humiga at dahil sa pagod, mabilis akong nilamon ng antok.

            Nagising ako dahil sa sunod-sunod na katok mula sa pintuan namin. Tumingin ako sa labas ng bintana at sumilip do’n. Sikat ng araw ang unang bumungad sa’kin, kasunod ng mga nagtatakbuhang bata at ang magulo naming lugar.