Chapter 23:

Clesea’s POV

Kahapon nang umuwi kami ni Azimia, wala kaming naabutang Aziria. Nang maggabi, agad din naman siyang umuwi. Kaya nga lang, pilit namin siyang kausapin ni Azimia dahil hindi kami pinapansin. Masaklap pa dahil diretso siya tulog kagabi.

Ako naman ang palaging nagigising kaya pinuntahan ko na sila.

"Gising na, bee," mahina kong yugyog sa kaniyang balikat.

Agad siyang tumayo at ngumiti sa akin. Tila nga walang nangyari sa kaniya kahapon. Mukhang alam niya na kung paano magdala ng emosyon.

Sinunod ko si Azimia. "Wake up. Papasok pa tayo."

"Hmm?" halinghing niya.

"Bilisan mo na riyan."

Labag sa loob niya ang tumayo, nakanguso pa. "Ito na."

"Azir—" Hindi ko na tuloy ang sasabihin ko nang makitang wala ng Aziria. Masyado naman siyang sabik maligo.

Pumunta na ako sa kusina at pinagluto ng tuyo si Aziria. Nasampal ko siya kahapon dala ng emosyon. Baka sakaling pansinin kami kapag nalaman niyang niluto ko ‘to para sa kaniya.

Nang matapos ako magluto, siya namang pagdating ng dalaw