Chapter 71

Tulala ako habang nakatitig sa salamin. Hinubad ko na ang aking hikaw at iba pang mga nasa katawan ko. Mugtong-mugto ang aking mata kakaiyak at hindi pa rin mawawala ang kaba sa dibdib ko.

Nakatulog na si Shelo kalaunan na may ngiti sa labi. Pinangako ko kasi sa kanya na magkikita sila ng Daddy niya, pero ang hindi alam ni Shelo ay nakita na kami ng Daddy niya. Maghihiwalay na kami at pinapakawalan na namin ang isa’t isa pero masyadong mapaglaro ang tadhana.

Ano na kaya ang iniisip ni Sheldon ngayon? Nakita niya ako na may hawak na bata at natatakot ako na kukunin niya ang anak ko sa akin.

Suminghap ako at saka sinuklay ang buhok ko. Kahit kabang-kaba na ako ay may positive thinking pa rin sa akin. Pero mas umusbong talaga ang takot. Kung tanggap man niya, masaya ako para sa magiging anak ko, kung hindi niya matanggap, magiging malungkot ako para sa anak ko at kapag tanggap niya pero kukunin niya sa akin si Shelo, baka mabaliw ako.

Natigilan lang ak