90 - Ang Prinsipe Sa Kwarto Ni Adira

Tumingala siya, pero parang huminto ang oras ng makita niya ang taong nakabunggo niya na halos isang dangkal lang ang layo ng mukha nila sa isa't-isa.

"Tila nagmamadali ka?" tanong nito. Dahan-dahan niyang hinila ang braso niya sa kamay nito. "Hindi ka ba nakakapagsalita, kawal?"

Ang taong nakabunggo ni Adira ay si Prince Damon.

Hindi siya nagsalita o sinagot man lang ang tanong nito, pero bahagyang nanlaki ang mata niya nang nilapit nito ang mukha sa kanya. "Isang binibining kawal ka ba? Ang mata mo kasi ay parang pang babae, at sa hinala ko ay nakita ko na ang pares ng mga mata mo."

Ilang beses napapikit ang mata niya at bahagyang bumaba ng isang hakbang sa hagdan.

Tiningnan siya nito mula ulo hanggang paa. "Sayang hindi ka pala nakakapagsalita at hindi ko din malalaman kung bakit gising ka pa at naglalakad ng hating gabi sa pasilyo ng palasyo." Tumingin muli ito sa kanya. "Hindi ka naman siguro kaaway na bigla na lang huhugot ng espada para saktan ang mga tao dito?"

Umiling siya ng