Chapter 35

Naglilinis ako sa sala ng marinig kong may kausap si Dalton sa labas. Sumilip ako sa bintana para tingnan kung sino ang kausap niya, yong dalawang batang babae pala. Kahapon pumunta din ang dalawang 'to para makipaglaro sa kanya, si Joy at si Annie mga batang nakakalaro din ni Tasha sa hacienda. May isa ding batang lalaki na dumagdag ngayon, kuya ata ni Annie dahil narinig kong pinakilala niya ito kay Dalton, Jesryl daw ang pangalan.

Hinayaan ko silang maglaro para kahit papano may iba namang makausap ang anak ko. Masaya nga ako at unti-unti na itong nakakapag adjust sa paligid. Sinusubukan narin nitong magsalita ng tagalog at bisaya kahit putol-putol lang.

Wala si Ethan ngayon dahil sumama kay papang at mamang sa pagdeliver ng mga palay na naani kaya walang nangungulit sa akin. In fairness naman sa kanya, consistent siya sa pinapakita niyang kabaitan sa mga magulang ko lalo na kay mamang, mas close talaga silang dalwa. Parang ina talaga ang turing niya sa nanay ko. Siguro dahil nami