Chapter Fifteen

Rowan's Pov

Kanina ko pa pinipigilan na mapahakhak ng malakas. Sa sobrang putla ng mukha ni Yanna nangangamba akong baka bigla na lang siyang mawalan ng malay mula sa kinauupuan niya.

"Ikaw Yanna, bakit hindi mo dinala sa ospital ang asawa mo? Kita mong napakalaki ng sugat niya at nagdurugo pa. Nakuuu, ikaw na bata ka, huwag kang iiyak iyak kapag maaga kang nabyuda ha?" Pangangaral ni Mr. Cabrera sa kanyang walang imik na anak.

Nandito na kami sa salas. Nakapagpalit na ng mas disenteng damit si Yanna. At ngayon ay kasalukuyang ginagamot ng doktor ang sugat ko na tinawagan ni Mrs. Cabrera. Matalik daw na kaibigan ni Mr. Cabrera ang doktor kaya pwede lang itong abalahin kahit anong oras.

Umikot ang mga mata ni Yanna bilang sagot.

"Your wound is too deep Mr. Dela Cruz. Parang gigil na gigil na patayin ka ang nanaksak saiyo." Puna ng doktor nang matapos niyang palitan ang bandage ng sugat ko.

"Hijo, kilala mo ba ang gumawa nito saiyo? Kailangan natin silang ireport sa mga pulis para mahul