+ IKAPITO +

¶ The Mafia and Citizens ¶

VII. IKAPITO

Jesse Villanueva’s PoV

Gumising akong nakatulala habang nakalapat ang katawan ko sa higaan. Ganito na ako lagi bago kumilos, hindi na maiwasan na tumulala muna bago mag-umpisa sa parehas na gawain sa buong araw. Tila kasama na sa oras ko ang tumulala sa pagkamulat ng mga mata ko.

Matapos ang sampung-minuto na pagtulala sa kisame, tumayo naman na ako agad na hindi na inaayos ang higaan ko. Dahil late na akong nakakauwi ng bahay, late na rin ang gising ko sa umaga kaya dapat nagmamadali akong kumilos para pumasok sa school.

Kung pwede lang sana na hindi na ako mag-aral at magtrabaho na lang, mas magiging madali sana ito para sa akin. Pero dahil nakapagbitaw ako ng isang salita sa Lola at Mama ko, dapat hindi ko ‘yon biguin.

Naghanda lang ako ng makakain ko, dahil hindi naman ako pwedeng gumastos nang gumastos dahil may utang rin akong dapat bayaran. At bigla ngang nag-ring ang phone ko at tumatawag nga sa akin si Dustine, ang inutangan ko.