CHAPTER 17

HINDI NA NAGPATUMPIK TUMPIK PA SI ALTHEA, kaagad siyang nagpaubaya sa paanyaya ni Griff na maglunch. Kanina pa tumatawag sa kanya si Rigor ngunit di niya masagot ang tawag nito kung kaya’ t nagmessage na lamang siya ng ‘talk to you later.’

Nagulat siya nang dalhin siya ni Griff sa isang mamahaling restaurant. Hindi niya alam kung maiinis o matutuwa rito. Never pa siyang natreat ni Griff sa isang mamahaling restaurant nuon. Ni hindi nga yata siya nito nailabas kahit na minsan nang maging mag-asawa na sila not unless siya ang magyayaya. Pero kay Sophia na ngayon lamang naman nito nakilala ay gusto kaagad nitong magpa-impress. God, ang dami pa pala niyang hindi alam sa lalaking ito.

“Hindi ka ba natatakot makita tayo ng asawa mo?” Tanong niya rito nang ilapag na sa mesa ang mamahaling steak at lobster na in-order nito. Tantiya niya ay nasa 15k ang kabuuan ng 8 course meal na in-order nila ngayong gabi.

Itinaas nito ang isang kama