CHAPTER 39

Sa bahay ay walang imik si Kryzell. Hindi n'ya alam kung paano sasabihin kay Kaizer ang tungkol sa natuklasan n'yang ilegal na gawain ni Hilda. Napapatanong na rin siya sa kan'yang sarili kung may halaga pa ba ang paghahanap n'ya ng katarungan para sa kan'yang mga magulang. Habang tumatagal kasi ay nadadagdagan ang kan'yang alam at napapatunayan n'ya lang na hindi basta-basta ang binabangga n'ya. 

Hindi rin kumikibo si Kaizer. Mula Cavite ay nakasunod siya sa sasakyan ni Sean habang nasa loob noon ang kan'yang asawa. Panay ang mura n'ya habang tumatagal sila sa traffic kanina at kung pwede lang, hinila n'ya na palabas ng sasakyan na iyon si Kryzell. Kung ano-ano na kasi ang pumapasok sa isip n'ya na maaaring ginagawa ng dating magkasintahan. 

Dahil sa labis na selos ay hindi s'ya nakapag-isip ng tama kanina. Hindi n'ya nga nagawang i-text si Kryzell at sabihan itong bumaba sa sasakyan. 

Sa minibar ng bahay