Chapter 56

Zeph Pov

Ang isang gabi na pagpapalipas ko sa bahay nina Lolo Inggo ay naging mga araw hanggang sa naging Linggo. Nagustuhan ko kasi ang lugar nila dahil tahimik. At pagkalipas ng tatlong Linggong pananatili ko sa bahay nila ay nagpasya akong umalis at ipagpatuloy ang aking paglalakbay na hindi ko alam kung saan ang patutunguhan. Hindi ko kasi alam kung saan ba talaga ako pupunta. Kung saan lamang ako dalhin ng aking mga paa ay iyon ang sinusunod ko. Ilang araw at gabi ulit akong naglakbay sa loob ng kagubatan. Wala akong takot na nararamdaman kahit mag-isa lamang ako s loob ng gubat. Pakiramdam ko nga ay mas ligtas ako sa loob ng gubat lalo na pag gabi. Walang mga tao o taong-lobo na mangangahas pumasok sa masukal na kagubatan kapag gabi. At ang mga hayop naman na nakakasalubong ko ay tila nakakakilala sa akin dahil kusa silang tumatabi na para bang binibigyan nila ako daan. Maging mabait o mabangis man itong hayop.

Pag-alis ko sa bahay nina Lolo Inggo ay pinabaunan nila ako ng maram