CHAPTER 69

ALAS SAIS...

Gabi na nang umalis kami ni Alexis sa bahay. Siya na ang nagpaliwanag kay Mama at kay Aling Bebang na sasama ako sa kanya pabalik sa Olongapo. Naintindihan naman ni Mama ang naging desisyon namin. Hindi ko rin alam kung tama ba ang naging desisyon. Naging padalos-dalos nga siguro ako, pero may gusto akong malaman. Marami akong gustong patunayan.

Malabo man ang sa amin ni Alexis ngayon, hindi ko pa rin maitatanggi na oo... mahal ko pa rin siya. At umaasa ako na balang araw maiintindihan ko rin ang lahat. Na balang araw magkakaroon din siya na lakas ng loob na pagkatiwalaan ako sa lahat ng sekreting mayroon siya. Na balang araw malalaman ko rin ang dahilan kung bakit may kakaiba akong nararamdaman sa kanya. May takot. May pangangamba. Pero mas nangingibabaw ang pagmamahal ko sa kanya.

Ayaw ko nang mag panggap. Ayaw ko nang magmatigas. Dama ko sa bawat titig niya, sa bawat haplos niya, at sa bawat araw na nag e-effort siyang magpabalik-balik mula Olongapo papunyang Masinloc m