Chapter 16

Thena's POV

Nang dumating ang sasakyan ni Papa ay hindi na ako nagulat. Binuksan ko ang shotgun seat at nanlaki nalang mga mata ko nang makita si Mama r’on.

“Ma!” tili ko.

Bumaba si Mama ng sasakyan para yakapin ako, “How’s your day, baby?”

“Ma!” Tiningala ko si Mama nang nakanguso ang labi ko, “Baka may makarinig na tinatawag mo akong baby, nakakahiya!”

“Edi marinig nila, baby naman kita talaga,” pangangantyaw niya pa.

“Mama,” saway ko.

Tatawa-tawa si Mama nang buksan niya ang pinto ng back seat. Pinauna niya akong sumakay sa loob, sumunod din naman siya agad at siya na ang nagsara ng pinto.

“Hi, Thena,” bati sakin ni Papa nang makapasok na ako.

Lumapit ako sa driver’s seat para humalik sa pisngi ni Papa, “Hello Papa.”

“So how’s your day?” pag-ulit ng tanong sakin ni Mama.

Mula sa rear mirror ay tinignan naman kami ni Papa, “Oo nga, baka may nang-aaway na sa’yo r’on ha?”

“Hindi po, angbabait nga po ng students doon e,” I answered. Tumingin ako kay Mama nang may malawak na ngiti, “The