Chapter 139

Nakangiti lang akong nakatingin kay Mommy, Ranie, at Reev habang silang tatlo ay kinukuhaan ng litrato ang isa't isa.

Wala na akong hihilingin pa dahil ang pangarap kong magandang buhay noon para sa pamilya ko ay narito na.

Patuloy lang ako sa panonood sa kanila nang bigla na lamang akong may napansing lalaki na kanina pa nakatingin sa akin at pati na rin sa gawi nila mommy.

Agad na napakunot ang aking noo. Hindi ko rin alam kung bakit bigla na lamang kumabog ng mabilis ang dibdib ko.

Flashback

Mabagal kong idinilat ang aking nanlalabong mga mata habang nakahiga ako sa isang matigas na papag. Madilim ang paligid at hindi ko alam kung nasaan nga ba ako sa mga oras na ito.

Akma na sana akong uupo ngunit naramdaman ko ang pag-sakit ng aking tiyan. Kagat labi akong mabagal na umupo mula sa pagkakahiga.

Napahawak pa ako sa aking ulo dahil bigla na lamang itong nanakit. At nang pakiramdam ko ay okay na ako, mabagal ko nang inilibot a