BACK TO ME C.7

Paggising ko naramdaman ko ang bigat sa aking katawan. Pagmulat ko ng aking mata ay nakayakap pala sa aking katawan si Edward na masarap pa rin ang tulog. Napatingin na lamang ako sa kisame ng kwarto at umihip ng hangin. Ibinaling ko ang mukha ko sa tapat ng kanyang mukha at napangiti ako sa aking naisip, "sana palagi na lang kaming ganito." aniko sa isip ko.

Gusto kong haplusin ang kanyang mukha pero hindi ko ginawa. Tinanggal ko ang pagkakadagan niya sa katawan ko at kumilos siyang patalikod sa akin. Akala ko ay nagising na kaya kinabahan ako. Nagtungo na ko ng banyo upang ayusin ang sarili ko. Nang balikan ko siya ay tulog pa rin, lumapit ako sa kanya upang ayusin ang kumot sa katawan niya ng marinig kong nagsalita siya.

"Mahal kita Aileen, mahal na mahal.. " nasaktan na naman ako sa aking narinig. Lumayo ako sa kanya at lumabas ng kwarto at nakita ako ni Mommy Stella na nagpunas ng luha sa aking pisngi.

"Iha, bakit ka umiiyak? sinaktan ka ng anak ko? tell me, anong nangyare?." tan