Chapter 24

Isang buwan ang matulin na lumipas magmula ng manuluyan si Dave sa condo ng kapatid niyang si Dion. Ngayon ay babalik na siya ng mansion dahil ang hudyo niyang kapatid ay biglaan na umuwi kasama ang nobya nito.

Nasa opisina pa siya ng tumawag si Dion sa kanya at ipinaalam nga sa kanya na nasa condo ito kasama ang girlfriend. Ayaw naman niyang makasagabal sa dalawa kaya pagkatapos niya sa opisina ay dumiretso na siya sa bahay nila.

Kasalukuyan naman na naghahapunan ang kanyang mommy ng dumating siya ng bahay. Hindi naman kase din siya nag abiso rito na uuwe siya. Nagulat pa ang mommy niya ng makita siyang pumasok sa dining room..

"Hi mom! Sakto ang dating ko ah, di pa ko naghapunan." lumapit si Dave sa ina at humalik sa pisngi nito.

"Bakit narito ka?" walang emosyong tanong sa kanya ng ina.

"Grace, maglagay ka pa ng isang plato rito at kakain din ang senyorito Dave nyo." utos ni misis Alarcon.

Naupo naman sa tabi ng ina si Dave pero parang may hinahanap ang mga mata nito na hindi nak