Chapter 41

Samantala sa hide out kung saan dinala ng mga tauhan ni Maynard ang matandang mag asawa ay kakarating lang din ni Maynard roon.

Nauna lang ng ilang oras ang mga tauhan niya na makarating sa lugar na iniutos niyang pagdalhan sa mga matatandang ipinabihag nya.

Galing pa siya ng Cebu. Agad siyang napaluwas ng Manila nang i report ng tauhan na nagpapakita na si Leslie kina Danilo.

Mabilis na nakaisip ng paraan si Maynard upang makita at makaharap na ang ilang buwan na nilang pinaghahanap.

Alam niyang may contact na si Danilo sa pinsan nitong si Leslie kaya iniutos niyang dalhin sa kanya ang lalaki, pero wala sa bahay si Danilo nang pwersahang pasukin ng mga tauhan niya ang bahay ni Leslie. Kaya ang dalawang matanda na lamang ang pinakuha niya at inutusan ang tauhan na mag iwan ng sulat na idinikta na lamang niya ang isusulat ng tauhan upang makarating kina Leslie at Danilo ang mensahe niya.

Sinalubong si Maynard ng isa sa mga tao niya at ang iba ay mataman na binabantayan ang babaeng ma