CHAPTER 29

Brianna's P.O.V

Hindi ako makakapaniwala na aabot kami sa ganito ni Halley at hindi ko inaasahan na kasinungalingan lang pala ang lahat. Ang akala ko ay mahal niya din ako pero nag kakamali lang pala ako dahil hindi totoo ang lahat ng iyon.

Naisipan kong aalis na lang ako sa condo na ito dahil wala naman bisa itong pag titira ko dito kung wala na si Halley sa tabi ko. Iniwan ko na lang rin 'yong mga damit ko na siya ang bumibili.

Habang nag lalakad ako sa daan ay hindi ko maiwasang malungkot para sa amin ni Halley. Ang akala ko ay kami talaga ang para sa isa't-isa, pero nag kakamali ako. Tama nga sila, hindi dapat mag mamahalan ang isang sirena at ang  isang tao dahil mamalasin lang ito.

Napatigil ako sa pag lalakad nang may isang kotse na huminto sa harapan ko. At sa 'di ko inaasahan ay si Gorgia ang lumabas dito at saka niya ako hinarap. Habang nakatayo na siya sa aking harapan ay hindi ko mapigilang magtataka sa kwintas na suot niya.