KABANATA 22

Kung gaano kagaan ang pakiramdam ni Margaux roon sa taniman, ay mas lalong naengganyo ang dalaga sa napakagandang lugar na ngayon ay siyang gumupo lamang sa paningin niya.

Nakangiti habang nakatingin sa mga malalaking kabayo na animoy naglalaro sa loob ng tarangkahan at pabalik-balik sa kanyang pwesto upang kuhanin ang damo na nasa kamay ni Margaux ay mas lalo lamang siyang pumapalakpak.

Ang kabayo rin ni Declan na si Timmy ay parang nagugustuhan rin ang pag-abot niyang damo sa mga ito.

Nahihinuha rin ng dalaga na natutuwa ang mga hayop sa presensya niya roon sa Rancho.

Subalit nang marinig ni Margaux ang malalakas na hiyaw ng mga kabayo doon sa pinakadulong bahagi ng tarangkahan ay umusbong ang takot sa kabuuan ng dalaga nang makita ang malaking ahas na ngayon ay gumagapang paloob sa kinaroroonan ng mga kabayo na gustong tumuklaw sa kulay kayumangging kabayo.

Mistulang ang mga hayop sa loob ay nagkaroon na rin ng samo't-saring reaksyon k