Chapter 94

Bago umalis sina Primus at Enver ng opisina ni Luca, itinali muna ng dalawa ang kamay at paa niya. Isang oras na ang lumipas pero hindi pa rin niya naririnig na nagsalita ang binatang nagpadukot sa kanya. Alam na niya kung sino, hindi na kailangan na itanong. Wala naman kasing gagawa ng ganito ka isip bata na gawain kundi si Luca lang.

“Ano pa ang hinihintay mo? Bakit hindi ka magsalita?” Hindi na niya na pigilan ang sarili na magsalita dahil sa nakakabinging katahimikan ng paligid. Sariling paghinga niya ang tanging maririnig sa buong silid. Ngunit hindi pa rin nagsalita ang binata, wala talaga siyang naririnig na kahit ano mula rito.

Hindi na niya alam kung gaano siya katagal na naroon sa silid na iyon. Basta ang alam niya hindi na maganda ang pakiramdam niya, habang tumatagal ay nararamdaman niya na umiinit ang buong paligid. Ngunit ang nakakapagtaka ay alam naman niya na may air conditioning ang opisina ni Luca, at imposible na nakapatay ang AirCon. Hin