Chapter 18

Komplito lahat ng pamilya ni Leah na sinalubong siya mula sa pinto ng mansyon ni Lucas.

"Anak natutuwa kaming nakalabas kana ng hospital." Naiiyak na sambit ng ina ni Leah na yumakap sa kanya ng nakapasok na sila sa loob ng mansyon.

Sunod na yumakap ang ama ng dalaga at nakita ni Leah ang batang babae na napaka cute at malapad ang nginti na nakatingin sa kanya na tila naghihintay na kausapin at yakapin siya.

"Hi anong pangalan mo?" Tanong ni Leah sa bata na hindi mawala wala ang ngiti sa kanya at kumikislap kislap pa ang mata.

"Laica po." Sagot nito sa kanya.

"Ilan taon kana?"

"Two years old po." Sagot nito sa bulol na salita.

"Sino mommy mo?" Ngumiti pa siya sa kanyang tanong sa bata.

"Ikaw po." Natameme si Leah at nag angat ng tingin kay Lucas.

"Siya ba ang sinasabi mo sa'kin?" Tanong niya sa binata. Tumango naman si Lucas at lumapit sa bata.

"Nak, tulungan natin si mommy para maalala niya tayo ha?" Nasakop ni Leah ang kanyang bibig nang marinig niya ang nasambit ni Lucas sa anak