Chapter 29. Here comes her rival!

Napatuwid ng tayo si Elmhurst at napatitig sa kabilang balkonahe. Eksaktong pagharap kasi niya ay may nahagip ang mata niya na anino sa kabila. Gusto kasi niyang hanapin kung saan nanggaling ang bulong na narinig niya at hindi siya sigurado kung nakaringgan lang niya. Isa pa ay tatanungin din sana niya ang kaniyang kaibigan kung narinig din ba nito ang bulong pero ang aninong iyon ang nakita niya. Hindi niya maipaliwanag kung bakit pero kumabog ang dibdib niya. Blurred man ang anino ay ay sigurado siyang kaparehas iyon ng pigura ni Selena. Pati ang tangkad ‘nun ay pareho rin. Kaya naman mabilis na tumakbo siya papasok at lumabas ng kaniyang dorm.

Umarko ang sulok ng labi niya nang makita ang likod ng papalayong pigura ng isang babae. Kahit nagmamadali iyon ay namukhaan pa rin niya kung sino ito. At hindi niya alam kung matutuwa ba siya o madidismaya sa mga kilos ng dalaga. Pagkatapos siya nitong tanggihan ay ito naman at sinisilip din siya? Para ano pa? Gusto nitong siguraduhin na hind