The Stolen Romance: 15

Alas tres ng umaga ay naisipan ni Thelma na lumabas ng kwarto niya habang dala ang isang bag.

Sinilip ni Thelma ang mahimbing na natutulog na si Morissa at maliwag siyang nakahinga dahil dun.

Hindi niya palalampasin ang pagkakataon na ito para sa pagplanong pagtakas sa masamang balak ni Morissa sa anak niya.

Dumaan siya sa kusina kaya malaya siyang nakalabas pero biglang nanlaki ang mga mata niya dahil naroroon si Lena habang may kausap sa cellphone nito.

Dahan-dahan siyang naglakad upang tunguin ang gate sa likod. Mabuti na lamang at nakatalikod ito sa kanya kaya malaya siya nakadaan sa likuran nito.

Ngunit hindi niya inaasahan na merong palanggana roon kaya agad niya itong natapakan dahilan upang gumawa ito ng ingay na nakaagaw pansin kay Lena.

"Thelma!?" Agad na usal nito nang sandaling lumingon ito sa kanya.

Tagaktak ang pawis niya at malakas na rin ang kabog ng puso niya dahil alam niyang bigo na naman ang pagtakas niya sa pagkakataong 'to.

"L-Lena," mahina niyang usal.