CHAPTER 45.2

-CALI'S POV-

ISANG linggo na ang nakakalipas at patuloy pa rin sa pag-imbestiga ang kapulisan. Isinalaysay rin ni Klaire ang naging usapan nila ni Mang Danny bago ito pumanaw. Sa tulong ng Tito Oscar ni Dayne ay mas napapadali ang imbestigasyon.

Hindi na muna ako nagbubukas ng social media. Hindi ko alam pero takot akong hawakan ang cellphone ko.

Narito kami ngayon sa mansyon ni Dad. Dito ko na mas piniling manirahan dahil ang gusto ni Dad ay mabantayan niya ako lalo na't patuloy pa rin sa pag-imbestiga ang mga pulis.

Nakakatuwa lang dahil malaya nang nakakadalaw si Dayne dito sa mansyon. Kung minsan pa ay magkasama sina Dad at Dayne na umalis sa pag-imbestiga sa kaso nina Clarisse at Mang Danny. Kung titignan ay magkasundong magkasundo talaga sila.

"Ito, oh!"

Inabot sa akin ni Klaire ang hawak niyang chichirya na kinuha niya galing sa kusina. Umupo naman ito