Chapter 21

"Wala akong maisip na dahilan o aking nagawang mali at kasalanan sa iyo kung bakit mo nagawa sa akin ang bagay na ito. Kung bakit nagawa mong sikmurain na ako'y mapahiya sa lahat gayon din at ang masaktan ako. Hindi pa rin ako makapaniwala sa tuwing maiisip ko iyon. Ikaw ay aking lubos na pinagkatiwalaan subalit ibinulgar mo lamang ang sekretong aking pinakatago-tago. Akala ko'y ikaw ay tunay na aking kaibigan pero ako'y nagkamali lamang dahil ikaw pa pala ang magpapahamak sa akin at magiging kaaway ko, " bulong ko pa sa aking sarili habang napaiyak sa tuwing maiisip ko ang ginawa sa akin ng taong aking pinagkatiwalaan ng lubos.

Habang iniisip ko ang mga bagay na ito ay napaiyak pa ako, lalo na at parang higit pa sa isang tunay na kapatid ang aking turing sa kanya.

Nang mga oras na iyon ay napapaisip ako sa magiging kalabasan ng lahat ng ito. Aminado ako na blangko itong aking isipan sa aking gagawin pag sapit ng umaga bukas. Ni hindi ko alam ang aking gagawin kapag ako'y papasok sa