Chapter 29

Daddy

"Anak, kumain ka muna. Kagabi ko pa napapansin na sobrang tamlay mo, baka ikaw naman ang magkasakit niyan," puna ni Inang habang inaayos ang mga prutas na nakalagay sa isang lamesa, sa tabi ng kama ni Zenith.

Inilipat ng ni Styx si Zenith sa isang private room. Sa una ay hindi ako pumayag pero nakiusap siya na pumayag ako dahil para naman 'yon kay Zenith.

Hindi ko alam kung bakit ganito siya sa 'kin ngayon. Madalas magkatagpo ang mga mata namin pero agad din siyang umiiwas na tila ba nakakapaso ang mga tingin ko.

Kanina pa siya umalis at hanggang ngayon ay hindi pa rin bumabalik. Si Zenith naman ay tulog at nagpapahinga dahil kanina lang ay pinainom siya ng gamot.

"Okay lang po ako, Inang. Pwede na po kayong maunang umuwi para makapagpahinga na po kayo. Ako na po ang aasikaso sa bayarin dito sa Hospital, nakausap na ni Len-Len si Aling Isang at pautangin niya raw po ako para pandagdag sa bill ng hospital.

Kumunot ang noo niya at tila ba hindi nagustuhan ang sinabi ko.

"Hindi ba