Kabanata 1922

Kinabukasan….

Nang magising si Dasie, pumunta siya sa baba at binungad ng mabangong amoy ng pritong itlog.

Nakatayo si Nollace sa kusina. Habang nililipat niya sa plato ang itlog mula sa kawali, dalawang kamay ang yumakap sa kaniya mula sa likod.

Ilang sandali siyang nagulat tapos tumalikod siya at ngumiti. “Morning.”

Sumandal si Daisie sa malawak na likod ni Nollace, sobrang komportable niya. “Morning.”

Mahinahon na sinabi ni Nollace, “Maglinis ka na ng sarili mo. Handa na ang almusal.”

Pumunta sa taas si Daisie para linisin ang sarili niya. Matapos magbihis, bumaba siya ulit. Nahanda na ni Nollace lahat ng pagkain sa mesa. May lugaw, ilang hiwa ng tinapay, ham, at sunny side up.

Hinila ni Daisie ang upuan at umupo. Nakaramdam siya ng hiya kaya sinabi niya, “Nolly, sa totoo lang, hindi mo kailangan gumising lagi nang maaga para lang gawan ako ng almusal. Kaya ko naman ito gawin.”

Tumawa si Nollace at inabot ang lugaw sa kaniya. “Ayos lang. Gusto ko naman gumagawa ng almusal pa